**الجزء التاني والأخير | اتجوزت أخو جوزي عشان أحمي عيالي.. لكن اللي اكتشفته بعد سنة خلاني أندم!** بعد ما أخو جوزي بعتلي الرسالة وطلب مني أقابله لوحدنا، فضلت طول الليل مش عارفة أنام. كلامه كان غريب، وطريقته خلتني أحس إن فيه حاجة مستخبية عني من يوم ما وافقت على الجوازة.
تاني يوم، اتصل بيا وقاللي إنه مستنيني في مكان بعيد عن البيت، وإن لازم أسمعه للآخر قبل ما أخد أي قرار. روحت وأنا قلبي مقبوض، وأول ما قعدنا، بصلي وقال: ـ إنتِ فاكرة إني اتجوزتك عشان أحمي عيال أخويا وبس؟
بصيتله باستغراب وقلتله:ـ أمال اتجوزتني ليه؟ إحنا اتفقنا من الأول إن الجوازة دي على الورق، وإن كل واحد فينا يعيش حياته!اتنهد وقال:ـ أنا وافقت على الاتفاق ده عشان كنت خايف أخسرك، وكنت عارف إنك لو عرفت الحقيقة مش هتوافقي تتجوزيني. حسيت إن الأرض بتتهز من تحتي، وسألته:ـ حقيقة إيه؟
اتكلم! قاللي إنه من زمان، من قبل ما أخويا يتوفى، وهو شايفني ست مختلفة، وإنه كان بيحترمني وبيقدرني، لكن عمره ما فكر يقرب مني عشان أنا كنت مرات أخوه، وكان شايف إن ده شيء مستحيل حتى لو جواه مشاعر ناحيتي.
وبعد وفــ,,ـــــاه أخوه، لما شافني لوحدي وبشيل مسؤولية العيال، مشاعره زادت، وقرر يتجوزني، لكنه كان عارف إن مراته مش هتقبل، وإن أنا كمان هرفض لو عرفت إنه عايز الجوازة عشان نفسه مش عشان العيال بس. قلتله وأنا مش مصدقة اللي بسمعه:ـ يعني إنت استغليت ظروفي عشان تحقق اللي إنت عايزه؟
أنا وافقت عشان كنت خايفة على عيالي، وإنت كنت عارف ده كويس!رد عليا وقال:ـ أنا ما أذيتكيش، وأنا اللي بصرف على طلباتكم وبقف جنبكم، وكل اللي بطلبه إني أعيش معاكي كزوج. قلتله:ـ وقفتك جنب عيالك واجب عليك، لكن ده مش معناه إني أكون مجبرة أعيش معاك وأنا مش حاسة ناحيتك بأي مشاعر.
إنت عندك بيت ومرات، وأنا عمري ما هكون سبب في وجع ست تانية، خصوصًا إني عارفة إحساس الست اللي بتخاف على بيتها. سكت شوية، وبعدها قاللي إن مراته بدأت تشك في الموضوع، وإنها بقت تسأله عن سبب اهتمامه بيا، وإنه مش عارف هيقدر يخبي عنها لحد إمتى.
رجعت البيت وأنا حاسة إني دخلت في دوامة مالهاش آخر. كنت محتارة بين خوفي على عيالي، وبين إني أعيش حياة مش عايزاها، وبين إحساسي إني ممكن أكون بظلــ,,ـــــم مراته من غير ما أقصد. لكن اللي حصل بعدها كان أصعب من كل ده!
بعد يومين، لقيت مراته بتتصل بيا، وصوتها كان بيرتعش من العياط. قالتلي إنها عايزة تشوفني ضروري، وإن عندها كلام لازم تسمعه مني أنا شخصيًا. قلبي وقع في رجلي، ووافقت أقابلها. أول ما شافتني، عينيها اتمَلَت دموع، وقالتلي:ـ أنا مش جاية ألومك، ولا جاية أطلب منك تبعدي عن جوزي، أنا جاية أقولك حاجة يمكن إنتِ ما تعرفيهاش.
بصيتلها وقلت:ـ خير؟ فيه إيه؟طلعت من شنطتها ورقة قديمة، وحطتها قدامي، وقالتلي:ـ الورقة دي لقيتها وسط حاجاته من فترة، ولما قريتها عرفت إن جوزي مخبي عني سر من سنين. مسكت الورقة، ولما بدأت أقراها، حسيت إن نفسي اتسحب مني!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.